ఎమ్మెస్సార్ ప్రసాద్ కు మరో గౌరవం
విశాఖలో విలక్షణ అవార్డు అందుకున్న వి డిజిటల్ న్యూస్ బ్యూరో చీఫ్
విశాఖపట్నం, ఏప్రిల్ 21(ప్రజాక్షేత్రం):ఎలక్ట్రానిక్ మీడియా రంగంలో రెండు దశాబ్దాలకు పైగా తనదైన ముద్ర వేసిన వి డిజిటల్ న్యూస్ బ్యూరో చీఫ్ ఎమ్మెస్సార్ ప్రసాద్‌కు మరో ప్రతిష్ఠాత్మక అవార్డు లభించింది. సోమవారం రాత్రి విశాఖపట్నంలో అన్నమాచార్యుని జయంతిని పురస్కరించుకొని జరిగిన అవార్డు ప్రదానోత్సవంలో ఈ గౌరవాన్ని అందుకున్నారు. ఈ కార్యక్రమాన్ని శృతిలయ భక్తి సంగీత సేవా సంస్థ వ్యవస్థాపకులు వి. ప్రభాకర్, ప్రముఖ ఆధ్యాత్మిక వేత్త ఎం.వి.రాజశేఖర్ నేతృత్వంలో ఎంతో వైభవంగా నిర్వహించారు. ఈ వేడుకకు ముఖ్య అతిథిగా హాజరైన సెంచూరియన్ విశ్వవిద్యాలయం గౌరవ చాన్సలర్ ఆచార్య జి.ఎస్.ఎన్. రాజు, ఎమ్మెస్సార్ ప్రసాద్‌కు అవార్డును ప్రదానం చేశారు.ఇటీవలే విజయవాడలో ‘సామాజిక స్పృహ – చైతన్యం’ అంశంతో ఉగాది పురస్కారం అందుకున్న ప్రసాద్, తక్కువ కాలంలోనే మరోసారి అవార్డు అందుకోవడం పట్ల ఆయన సహచరులు, మీడియా వర్గాలు హర్షం వ్యక్తం చేశాయి. ఈ సందర్భంగా స్పందించిన ఎమ్మెస్సార్ ప్రసాద్, “1998లో సింహాచలం నుంచి నా జర్నలిజం ప్రయాణం ప్రారంభమైందని ఈరోజు వరకూ దివ్య ఆశీస్సులతో ముందుకు సాగుతోందన్నారు. తనకు ఎన్నో అవార్డులు లభించినప్పటికీ, ప్రతిసారీ గుర్తించి గౌరవిస్తున్న ప్రతిఒక్కరికీ హృదయపూర్వక ధన్యవాదాలు” అని పేర్కొన్నారు.మీడియా రంగంలో ఆయనకున్న పట్టుదల, నిబద్ధత ప్రతి జర్నలిస్టుకు ఆదర్శంగా నిలుస్తోందని పలువురు విశేషంగా ప్రశంసించారు.ఈ కార్యక్రమం సీనియర్ పాత్రికేయులు నేమని హేమసుందర్, పిళ్ళా విజయ్ కుమార్, పూడి శ్రీనివాస్,ఈరోతి ఇశ్వర్ రావు, విశాఖటూడే మహేష్,వి5 రామకృష్ణ,శ్రీలత,మధురవాడ సంతోష్,సూరిబాబు,మదన్,శ్యాం,వంకాయల ప్రభాకర్, చెరుకూరి శ్రీనివాస్, సురేష్, శివ దిలీప్ తదితరులు పాల్గొని అభినందనలు తెలియజేసారు.
