మర్చిపోయాడా.. వదిలించుకున్నాడా.. భర్త చేసిన పని చూస్తే నవ్వాగదు
వెబ్‌డెస్క్ (ప్రజాక్షేత్రం):సోషల్ మీడియా అందుబాటులోకి వచ్చిన తర్వాత ప్రతిరోజు కొన్ని వందల వీడియోలు మన కళ్ల ముందుకు వస్తున్నాయి. వాటిల్లో కొన్ని ఫన్నీగా, మరికొన్ని ఆసక్తికరంగా ఉంటూ అందర్నీ ఆకట్టుకుంటున్నాయి. ప్రస్తుతం అలాంటిదే ఓ వీడియో సోషల్ మీడియాలో హల్‌చల్ చేస్తోంది. ఆ వీడియోలో ఓ భర్త చేసిన పని సోషల్ మీడియా జనాలను విపరీతంగా నవ్విస్తోంది. అనే ట్విటర్ హ్యాండిల్‌లో ఆ వీడియో షేర్ అయింది. వైరల్ అవుతున్న ఆ వీడియోలో ఓ వ్యక్తి తన కుటుంబంతో కలిసి బైక్ మీద వెళ్తున్నాడు. అతడు బైక్ నడుపుతుండగా అతడి కొడుకు, భార్య వెనుక కూర్చున్నాడు. బిజీగా ఉన్న రోడ్డుపై అతడు వేగంగా వెళ్తున్నాడు. ఆ సమయంలో అతడికి ఎదురుగా ఓ ట్రక్కు వచ్చింది. దాంతో అతడి బైక్ కొద్దిగా వంగింది. ఆ సమయంలో బైక్ వెనుక కూర్చున్న మహిళ కిందకు దిగిపోయింది. భార్య దిగిపోయినట్టు పట్టించుకోని ఆ వ్యక్తి బైక్ నడుపుకుంటూ ముందుకు వెళ్లిపోయాడు. ఆ ఘటనను అదే రోడ్డులో వెళ్తున్న ఓ వ్యక్తి వీడియో తీసి సోషల్ మీడియాలో పోస్ట్ చేశాడు.
