కొత్త రేషన్ కార్డుకు అప్లై చేశారా.. ఇలా స్టేటస్ చెక్ చేస్కోండి..!!
తెలంగాణ బ్యూరో మే 21(ప్రజాక్షేత్రం):తెలంగాణ రాష్ట్రంలో కొత్త రేషన్ కార్డుల జారీ ప్రక్రియ జనవరి 26 నుంచి ప్రారంభమైంది. ఈ ప్రక్రియలో భాగంగా ప్రజలు మీసేవా కేంద్రాల ద్వారా లేదా ఆన్‌లైన్‌లో దరఖాస్తు చేసుకున్నారు. మీరు కొత్త రేషన్ కార్డు కోసం దరఖాస్తు చేసి ఉంటే, మీ దరఖాస్తు స్థితిని (స్టేటస్) సులభంగా ఆన్‌లైన్‌లో చెక్ చేసుకోవచ్చు. ఈ ఆర్టికల్‌లో దరఖాస్తు స్టేటస్ చెక్ చేసే విధానం, అర్హతలు, మరియు ఇతర ముఖ్య వివరాలను ఇలా తెలుసుకోండి. అయితే చాలా మంది కొత్త కార్డుల కోసం దరఖాస్తు చేసుకున్నారు. ప్రజాపాలన (ఆఫ్‌లైన్) దరఖాస్తుదారులు తమ స్టేటస్ వివరాలను తెలుసుకునేందుకు ఇబ్బంది పడుతున్నారు. ప్రభుత్వ పరిపాలనలో దరఖాస్తు చేసుకున్న దరఖాస్తుదారులు పంచాయతీ కార్యదర్శులను సంప్రదించవచ్చు అని అధికారులు తెలిపారు. అక్కడ వివరణ పొందిన తర్వాత మీకు ఏవైనా సందేహాలు ఉంటే, స్థానిక మండల అధికారులను సంప్రదించండి.. వారు మీ దరఖాస్తు స్టేటస్ వివరాలను వెల్లడిస్తారు అని పేర్కొన్నారు. ముందిగా తెలంగాణ ఫుడ్ సెక్యూరిటీ పోర్టల్‌ను సందర్శించండి https://epds.telangana.gov.in/FoodSecurityAct/.. హోమ్‌పేజీలో “FSC Search” ఆప్షన్‌పై క్లిక్ చేయండి. FSC అప్లికేషన్ సెర్చ్ ఎంచుకోండి.. “Ration Card Search” కింద “FSC Application Search” ఆప్షన్‌ను ఎంచుకోండి.ఇక్కడ మీరు మీ జిల్లా (District)ని ఎంచుకోవాలి. ఆ తరువాత వివరాలు మీసేవా రసీదు నంబర్ లేదా దరఖాస్తు నంబర్ ను నమోదు చేయండి. లేదా, మీ ఆధార్ నంబర్, FSC రిఫరెన్స్ నంబర్, లేదా పాత రేషన్ కార్డు నంబర్‌ను ఉపయోగించి కూడా స్టేటస్ చెక్ చేయవచ్చు. వివరాలను నమోదు చేసిన తర్వాత, “Search” బటన్‌పై క్లిక్ చేయండి. మీ రేషన్ కార్డు దరఖాస్తు స్థితి స్క్రీన్‌పై కనిపిస్తుంది. మీ దరఖాస్తు ఆమోదించబడితే, మీ పేరు ఆమోదిత జాబితాలో ఉంటుంది. మీరు రేషన్ కార్డును డౌన్‌లోడ్ చేసుకోవచ్చు. ఒకవేళ దరఖాస్తు తిరస్కరించబడితే, తిరస్కరణ జాబితాలో మీ పేరు కనిపిస్తుంది. ఈ సందర్భంలో, తప్పులను సరిదిద్ది మళ్లీ దరఖాస్తు చేసుకోవచ్చు.
