కరుంగళి మాల ప్ర‌త్యేక‌త ఏమిటి?
– నిజమైన కరుంగళి మాలను ఎలా గుర్తించాలి..
వైబ్ డెస్క్ (ప్రజాక్షేత్రం):ప్రస్తుతం సెలబ్రిటీలు, సామాన్యులు అంతా కరుంగళి మాలను ధరిస్తున్నారు. దక్షిణాదికి చెందిన కొందరు సినీ ప్రముఖులు ఈ కరుంగళి మాలను ధరించడంతో వీటికి అంతులేని ప్రాచుర్యం ఏర్పడింది. తమిళనాడులోని కొన్ని ప్రాంతాల్లో.. కేరళలో కరుంగళి మాలలు లభ్యమవుతున్నాయి. కరుంగళి మాలకు అధ్యాత్మిక ప్రాశస్త్యం ఉన్నదని బాగా ప్రచారం జరగడంతో వీటికి అంతులేని గిరాకీ ఏర్పడింది. దీంతో మార్కెట్ లోకి నకిలీ కరుంగళి మాలలు కూడా వచ్చేశాయి. అయితే అసలైన కరుంగళి మాలలు ఎలా గుర్తించాలి.. వీటిని ఎలా తయారు చేస్తారు.. వంటి అంశాలను ఈ కథనంలో తెలుసుకుందాం.
– ఎందుకింత ప్రత్యేకం..
కరుంగళి మాలకు హిందూ సంప్రదాయంలో ఎంతో ప్రాముఖ్యత ఉంది. దీన్ని ధరిస్తే దృష్టి దోషాలు పోతాయని.. కష్టాలు ధరిచేరవని చాలా మంది నమ్ముతుంటారు. ఈ కరుంగళి మాలలను కరుంగళి చెట్టు (ఎబోనీ చెక్క) నుండి తయారు చేస్తారు. ఇది చిక్కటి నలుపురంగులో చాలా దృఢంగా ఉంటుంది.
– ఏది ఒరిజినల్.. ఏది నకిలీ ?
మార్కెట్లో కరుంగళి మాలలు విస్తృతంగా అందుబాటులో ఉన్నందున, నిజమైన మాలను గుర్తించడం కీలకం. నిజమైన మాలలను కరుంగళి వృక్షం నుంచి సేకరించిన కలపతోనే తయారు చేస్తారు. ఇవి చూడటానికి నల్లగా మెరుస్తూ ఉంటాయి. అయితే ఇతర చెట్లు, ప్లాస్టిక్ తో కూడా కొందరు మాలలు తయారు చేస్తూ కరుంగళి మాలు అంటూ అంటగడుతున్నారు. నిజమైన కరుంగళి పూసలు స్పర్శించినప్పుడు మొదట చల్లగా ఉంటాయి. కొంతసేపు పట్టుకున్న తర్వాత నెమ్మదిగా వేడెక్కుతాయి. నకిలీ పూసలు (ప్లాస్టిక్ లేదా సింథటిక్) త్వరగా వేడెక్కుతాయి లేదా ఎల్లప్పుడూ వెచ్చగా అనిపించవచ్చు. నిజమైన కరుంగళి పూసలు సహజ చెక్కతో తయారవుతాయి కాబట్టి బరువుగా ఉంటాయి.
– నీటి పరీక్ష
నిజమైన కరుంగళి పూసను నీటిలో వేస్తే అది మునిగిపోతుంది. ఎందుకంటే ఎబోనీ చెక్క సాంద్రత ఎక్కువగా ఉంటుంది. నకిలీ పూసలు (ప్లాస్టిక్ లేదా తేలికైన పదార్థాలతో తయారైనవి) నీటిపై తేలుతాయి. నిజమైన కరుంగళి పూసలు సహజ నలుపు రంగు కలిగి ఉంటాయి, వీటిని బలంగా రుద్దినప్పుడు.. చెక్క వంటి వాసన వస్తుంది. నకిలీ మాలలు రంగు వేసినట్లు లేదా కృత్రిమ రంగు వాసన కలిగి ఉంటాయి. సాంప్రదాయ పద్ధతులతో కరుంగళి మాల తయారు చేస్తారు. ఆధ్యాత్మిక శ్రద్ధతో కూడిన ప్రక్రియ. ఈ మాలను తయారు చేయడానికి ఈ క్రింది దశలు అనుసరించబడతాయి. కరుంగళి మాలను ఎబోనీ చెట్టు నుండి సేకరించిన చెక్కతో తయారు చేస్తారు. ఈ చెట్టు దక్షిణ భారతదేశంలో, ముఖ్యంగా తమిళనాడు మరియు కేరళలో సమృద్ధిగా లభిస్తుంది నాణ్యమైన, పరిపక్వమైన చెక్కను ఎంచుకుంటారు సేకరించిన చెక్కను చిన్న ముక్కలుగా కత్తిరించి, పూసల ఆకృతిలోకి తీర్చిదిద్దుతారు. సాధారణంగా, పూసలు గుండ్రంగా లేదా ఓవల్ ఆకారంలో ఉంటాయి. ఈ పూసలను జాగ్రత్తగా మెరుగుపరచి, మృదువైన ఉపరితలం కలిగేలా చేస్తారు, తద్వారా ధరించడానికి సౌకర్యవంతంగా ఉంటాయి. ఈ ప్రక్రియలో జాగ్రత్తగా పనిచేయడం ముఖ్యం, ఎందుకంటే చెక్క గట్టిగా ఉండటం వల్ల పగిలిపోయే అవకాశం ఉంటుంది.
