విద్యార్థులు స్నానం చేస్తుండగా వీడియోలు తీసిన వార్డెన్
ఆదిలాబాద్ నవంబర్ 16(ప్రజాక్షేత్రం):విదార్థుల ఆలనా పాలన చూడాల్సిన హాస్టల్ వార్డెన్ వారిపై దారుణానికి తెగబడ్డాడు. విద్యార్థులు స్నానం చేస్తుండగా, చాటుగా ఆ వీడియోలు తీసాడు. ఆదిలాబాద్ జిల్లా బేల మండలం చాంద్పల్లి ఆశ్రమ పాఠశాలలో వార్డెన్గా పనిచేస్తున్న జి.ఆనందరావు హాస్టల్లో బాలికలు స్నానం చేస్తున్నప్పుడు వీడియోలు తీశాడు. ఇటీవల ఆ పాఠశాలకు వచ్చిన షీ టీమ్ అవగాహన కార్యక్రమంలో బాలికలు ఈ విషయం షీ టీమ్ అధికారులకు చెప్పారు. ఈ ఘటనపై షీ టీమ్ పోలీసులు బేల పోలీస్ స్టేషన్లో ఫిర్యాదు చేశారు. శుక్రవారం రాత్రి ఆనందరావుపై పోక్సో కేసు వేసి శనివారం రిమాండ్కు పంపించారు. గిరిజన సంక్షేమ శాఖ డిప్యూటీ డైరెక్టర్ అంబాజీ అతన్ని ఉద్యోగం నుంచి సస్పెండ్ చేశారు.
