చెప్పులు మెడలో వేసుకుని రాజీనామా చేస్తా:సర్పంచ్ అభ్యర్థిని
కరీంనగర్, డిసెంబర్ 07(ప్రజాక్షేత్రం):ఇచ్చిన హామీలు నెరవేర్చకపోతే కులానికి ఒక చెప్పు చొప్పున మెడలో వేసుకుని రాజీనామా చేస్తానని ఓ సర్పంచ్ అభ్యర్థి బాండ్ రాసివ్వడం చర్చనీయాంశమైంది. కరీంనగర్ జిల్లా చెంజర్ల గ్రామంలో గుమ్మడవెళ్లి రాజేశ్వరి అనే మహిళ ఎన్నికల బరిలో నిలిచారు. తనను గెలిపిస్తే 12పడకల ఆస్పత్రి, మినీ ఫంక్షన్ హాల్, ఓపెన్ జిమ్ ఏర్పాటుతో పాటు కోతుల సమస్యను పరిష్కరిస్తానని బాండుపై రాసిచ్చారు. మూడేళ్లలో వీటిని పూర్తిచేయకపోతే రాజీనామా చేస్తానన్నారు.
